Kryeministri Rama i është përgjigjur Këshillit të Lartë Gjyqësor pas një reagimi të institucionit që i kërkonte kreut të qeverisë të mos i sulmonte gjyqtarët por të respektonte pavarësinë e gjyqësorit dhe të mos minonte pavarësinë e sistemit gjyqësor.
Rama shkruan se roli i KLGJ-së është të shqetësohet për cilësinë e drejtësisë dhe të garantojë publikun se vendimet që merren në dëm të tij analizohen.
Më tej kreu i qeverisë thekson se anëtarët e KLGJ-së duhet të shqetësohen para publikut sesi gjyqtarët nuk kanë larguar ndërtimet e paligjshme në mes të rrugës e që janë mbrojtur në mënyrë të pajustifikuar nga gjykatësit.
Megjithatë më shumë se dëshira për të korrektuar drejtësinë, Rama kërkon kapjen e sistemit të drejtësisë në çdo qelizë të saj, sipas modeleve lindore aq të dashura prej tij.
