Holanda njoftoi të enjten se ishte vënë në shënjestër të një fushate kineze të spiunazhit kibernetik, e gjurmuar si Salt Typhoon dhe RedMike, e cila ka kompromentuar infrastrukturën kritike në nivel global.
“Organizatat holandeze me shumë mundësi nuk morën të njëjtin nivel vëmendjeje nga hakerat e Salt Typhoon si ato në SHBA”, por agjencitë e inteligjencës së vendit vunë re shënjestrim në Holandë, tha Ministria e Mbrojtjes.
“Këta nuk ishin ofrues të mëdhenj të telekomunikacionit, por ofrues më të vegjël të shërbimeve të internetit dhe hostingut”, shpjegoi ministria, duke ia atribuuar një hetimi nga Shërbimi i Inteligjencës dhe Sigurisë Ushtarake Holandez (MIVD) dhe Shërbimi i Përgjithshëm i Inteligjencës dhe Sigurisë (AIVD), të cilët tha se “tani mund të vërtetojnë disa nga gjetjet e hetimit amerikan me inteligjencë të pavarur”.
Sipas hetimit të shërbimeve holandeze, “organizata kineze e hakerimit kishte qasje në routerë që i përkisnin objektivave holandezë”.
“Për aq sa dimë ne, hakerët nuk depërtuan më tej në rrjetet e tyre të brendshme”, thanë ata. Agjencitë paralajmëruan se kërcënimi kibernetik kinez po rritej.
“Këto aktivitete janë bërë aq të sofistikuara saqë kërkohet përpjekje dhe vëmendje e vazhdueshme për të zbuluar dhe zbutur menjëherë operacionet kibernetike kundër interesave holandeze”, thanë ata. “Kjo mund të zvogëlojë rreziqet, por jo t’i eliminojë ato plotësisht. Kjo përbën një sfidë të madhe për qëndrueshmërinë holandeze.”
