Agron Malaj, ish-kryetar i Bashkisë së Matit, dha dorëheqjen nga posti i tij në mars 2025 për të kandiduar si deputet në qarkun e Dibrës.
Përfshirja e tij në listën e hapur të PS-së për këtë qark tregon për një ambicie për të kaluar nga niveli lokal në atë kombëtar.
Malaj në këto zgjedhje parlamentare ka arritur të jetë ndër më të votuarit në Shqipëri me 12616 vota preferenciale.
Agron Malaj është përmendur për shumë gjëra, nga shef i grupit të zjarri në kryeministri në 21 janar, për miqësinë e padeklaruar me Shkelzen Berishën, madje edhe për tendera në konflikt interesi në kompaninë e vëllait të tij Fatos Malaj, që dyshohet për përfshirje në skemën e kompanisë “5D Konstruksion” në Bashkinë e Tiranës.
