Avioni rajonal i tipit ARJ21 i zhvilluar në mënyrë të pavarur nga Kina ka mirëpritur pasagjerin e tij të 10 miliontë të premten që nga hyrja në shërbimin komercial në vitin 2016.
ARJ21, ose Avioni Rajonal i Avancuar për Shekullin e 21-të, arriti momentin historik të përmbushjes së pragut të transportit të sigurt të 10 milionë pasagjerëve gjatë shtatë viteve të fundit, me fluturimin që transportoi 81 pasagjerë nga Guangzhou në Jieyang në të njëjtën provincë të Kinës Jugore, Guangdongun.
Që kur hyri zyrtarisht në funksionim komercial, 117 avionë ARJ21 u janë dorëzuar linjave ajrore kineze dhe atyre të huaja. Ajo ka hapur mbi 400 linja lokale dhe ndërkombëtare në më shumë se 140 qytete dhe ka filluar shërbimin jashtë vendit në Indonezi.
Sipas zhvilluesit të tij, derivate të shumtë janë duke u zhvilluar për t’iu përshtatur nevojave të tregjeve të ndryshme të aviacionit lokal, të tilla si avionë për biznes, apo mjekësorë dhe për shërbimit të urgjencës, sipas Korporatës Komerciale të Avionëve të Kinës (COMAC).
Në tetor, u dorëzuan dy avionët e parë të mallrave të konvertuar nga ato të pasagjerëve të tipit ARJ21, duke shënuar një moment historik në programin e konvertimit të avionëve.
