Perë shqiptarë të vdekur, mes tyre një 19-vjeçar dhe një 16-vjeçar, është bilanci i aksidentit të frikshëm që ndodhi pasditen e së martës (18 korrik 2023) në unazën e Edesës në Greqi.
Aksidenti rrugor ndodhi në kilometrin e 87-të të rrugës nacionale Follorinë-Selanik, kur makina me targa AA 989 MU në të cilën ndodheshin pesë shqiptarët, dhe drejtohej nga Besim Muçaj në rrethana ende të panjohura, është përplasur me një kamion ‘kokë më kokë’. Media greke ‘Protothema’ shkruan se ata ishin punëtorë ferme. Tre nga viktimat e aksidentit tragjik janë nga Kukësi por banonin në Durrës e Tiranë.
Viktimat janë
Besim Muçaj, 55 vjeç, nga Kukësi, me banim në Durrës (shoferi)
Ergin Peposhi, 19 vjeç, nga Kukësi, me banim në Tiranë
Ardit Peposhi, 16 vjeç, me banim në Tiranë
Gazmen Brahaj.47 vjeç me banim në Durrës
Ilir Daci, 50 vjeç nga Preza me banim në Tiranës
Nga hetimet paraprake automjeti ka dalë nga korsia e vetë në rrethana ende të pazbardhura dhe ka hyrë në korsinë e gabuar, duke u përplasur më pas me kamionin.
Eshtë dashur ndërhyrja e forcave zjarrfikëse të nxjerrin trupat e pajetë të shqiptarëve nga makina e cila ishte copëtuar.
Përplasja ka qenë aq e fortë sa e vetmja pjesë e makinës që ka mbetur e paprekur ka qenë bagazhi.
