Igumeni i manastirit të Lavrës Kyiv-Pechersk, në kryeqytetin e Ukrainës, Metropolitan Pavel, është vendosur në arrest shtëpiak. Shërbimi i Sigurisë së Ukrainës (SBU) njoftoi më parë se Metropoliti Pavel dyshohet se ka nxitur mosmarrëveshje dhe ka punuar për Rusinë. Anëtarët e SBU po kontrollojnë banesën e tij, raporton agjencia ruse e lajmeve Tass. Mitropoliti dyshohet për “nxitje të urrejtjes ndërfetare dhe justifikimin e agresionit të armatosur të Rusisë”.
Ngjarjet e sotme pasuan vendimin e Mitropolitit Pavel dhe anëtarëve të tjerë të Kishës Ortodokse Ukrainase të Patriarkanës së Moskës, të mbështetur nga Rusia, për të qëndruar në manastirin e vjetër në Kiev, pavarësisht thirrjeve nga qeveria ukrainase për t’u larguar. Pak ditë pasi Ministria e Kulturës e Ukrainës lëshoi një deklaratë duke u bërë thirrje priftërinjve të Lavrës Kyiv-Pechersk të largohen nga manastiri deri më 29 mars. Manastiri Kyiv-Pechersk Lavra është nën pronësi të qeverisë ukrainase dhe agjencia që e mbikëqyr atë i njoftoi murgjit se po vinte fundi i qirasë dhe ata kishin kohë deri të mërkurën të largoheshin nga vendi. Patriarkana e Moskës tha se nuk ka ndërmend të largohet nga ndërtesa, raporton “Kyiv Independent”. Metropoliti Pavel u tha besimtarëve të mërkurën se murgjit nuk do të largoheshin dhe se janë në pritje të rezultatit të një padie që Kisha e ka ngritur në një gjykatë në Kiev për këtë çështje.
Shumë vende të shenjta të kishës janë bastisur dhe më vonë janë publikuar fotografi të pasaportave ruse dhe fletushkave me mesazhe nga patriarku i Moskës si dëshmi se disa zyrtarë të kishës kanë qëndruar besnikë ndaj Rusisë. Nga tetori deri në dhjetor 2022, Shërbimi Sekret i Ukrainës kreu disa kontrolle në pronat e Kishës Ortodokse të Ukrainës dhe shtëpitë e klerikëve në të gjithë vendin dhe gjeti propagandë ruse, dëshmi se disa nga klerikët kishin nënshtetësi ruse.
Më në fund, në dhjetor 2022, bazuar në një vendim të Këshillit të Sigurisë Kombëtare, Zelenskiy i kërkoi Kabinetit të Ministrave të hartonte një ligj që do të ndalonte organizatat fetare të lidhura me Moskën, duke vënë në dukje se ligji duhet të jetë në përputhje me detyrimet e Ukrainës ndaj Këshillit të Evropës.
Kisha Ortodokse Ruse dhe udhëheqja e saj në mënyrë aktive mbështesin agresionin e Putinit kundër Ukrainës. Shërbimi Sekret i Ukrainës ka regjistruar raste në të cilat kleri i Kishës Ortodokse të Ukrainës është përfshirë në justifikimin e agresionit rus kundër Ukrainës dhe në bashkëpunim me trupat ruse në territoret e pushtuara.
Në dhjetor 2022, një prift nga Kisha Ortodokse Ukrainase, Andriy Pavlenko, u dënua nga një gjykatë ukrainase për spiunazh për Rusinë. Në fund të vitit 2022, Zelensky u bëri thirrje anëtarëve të parlamentit ukrainas që të shohin se si të parandalojnë që Kisha Ortodokse nën kontrollin e drejtpërdrejtë të Moskës të jetë në gjendje të veprojë në Ukrainë.
Zelensky tha se ishte i nevojshëm një ligj që do të parandalonte organizatat fetare të lidhura me qendrat e ndikimit në Federatën Ruse të veprojnë në Ukrainë, duke iu referuar Kishës Ortodokse Ukrainase të lidhur me Moskën.
Pas kësaj, Dimitriy Medvedev e quajti Zelenskin armik të Krishtit dhe besimit ortodoks. Por kjo nuk është logjike, sepse sipas Qendrës Kërkimore Pew nga Uashingtoni, 78 për qind e ukrainasve e identifikojnë veten si ortodoksë.
