Një ngjarje e rëndë ka ndodhur pasditen e djeshme në ishullin Paksos, Greqi, ku një vajzë 4-vjeçare me origjinë shqiptare humbi jetën tragjikisht pasi ra në një pishinë.
E mitura kishte dalë për të luajtur në kopshtin e shtëpisë rreth orës 15:00, por i shpëtoi vëmendjes së nënës.
Pas disa minutash kërkimesh, ajo u gjet pa ndjenja në një pishinë rreth 150 metra larg, nga kuzhinieri i një vile turistike.
Pavarësisht përpjekjeve të mjekëve në qendrën shëndetësore të ishullit, vajza nuk arriti të mbijetojë. Nëna e saj ndodhet aktualisht në komisariat dhe pritet të merret në pyetje nga prokuroria.
