Për herë të parë në histori në zyrën e kryeministrit të Maqedonisë së Veriut do të jetë një shqiptar, i cili është Talat Xhaferi.
Ditën e djeshme të pranishëm gjatë votimit në Kuvend, ishin edhe gazetarët e njohur Blendi Fevziu, Baton Haxhiu, Adriatik Kelmendi dhe Berat Buzhalën të cilët shoqëroheshin me makina zyrtare.
Ardhja e gazetarëve të njohur në Maqedoninë e Veriut dhe trajtimi i tyre si VIP-a ka ngjallur kritika në mediat e vendit fqinj.
Një kronike e përgatitur për PortalX ka thumbuar gazetarët e njohur nga Prishtina dhe Tirana duke ju thënë se: A ju ka pagu BDI-ja me ardhë këtu me bo propaganda?
“Ju me na kallxu a ju ka pagu BDI-ja me ardhë këtu me bo propagandë, se këtu nuk po i kalon”, ka qenë pyetja e gazetarit Saliu.
Kjo pyetje nga ana e gazetarit ka ofenduar Blendi Fevziun i cili i është kthyer duke thënë si nuk ju vjen turp që e bëni këtë pyetje.
Pjesë nga biseda:
Gazetari: Ju na tregoni a ju ka paguar BDI të vini këtu dhe të bëni propabandë?
Blendi Fevziu: Si mund të bësh pyetje a ke marrë lek? A stë vjen turp?
Gazetari: Pse? Berati se ka problem
Fevziu: Por si mund të bësh pyetje a ke marrë lekë? Është turp ta bësh se je djalë i ri, është turp.
Gazetari: Po në veturë zyrtare po hyn
Fevziu: Në veturë se di ku po hy, por të marrësh lekë është turp ta bësh këtë pyetje se je gazetar i ri. Pyet njëher tjetër pse ke ardhur, a ka ndonjë interes për ty, a ka qenë në evente të tilla
Gazetari: A ka interes për ty?
Fevziu: Patjetër që ka.
