“Politika e mafia janë dy fuqi që jetojnë mbi kontrollin e të njëjtit territor, e o i bëjnë luftë njëri tjetrit o dakortësohen“, shprehej Prokurori i Antimafias italiane Paolo Borsellino.
Sot 31 vite nga vrasja e tij (19 korrik 1992- 30 korrik 2022) nuk ka një të vërtetë mbi autoret e këtij krimi edhe pse janë dënuar mafiozë, bosa mafiozë, të penduar, të penduar fals për të cuar në drejtim të gabuar hetimet, e është ende i pa mbyllur procesi kundër bosit Matteo Messina Denaro.
E mes të vërtetave të pazbardhura është dhe një që vjen nga Shqipëria.
301vite nga ky atentat, në dosjet hetimore për zbardhjen e kësaj ngjarje, shfaqet pjesëmarrja e një shqiptari, ekspert në përgatitjen e eksplozivit e që mund të kete bashkëpunuar me Cosa Nostran siciliane.
E përfshirja e një shqiptari në masakrën më të bujshme të luftës së mafias italiane kundër shtetit, bëhet padyshim një detyrim dhe i autoriteteve shqiptare të hetojnë e të dënojnë këtë njollë të gjakshme.
Derisa flitet për një ekspert të përgatitjes së eksplozivit, i tillë mund të ishte vetëm një person i dalë nga rradhët e ushtrisë o nga shërbimet sekrete të regjimit komunist shqiptar.
Italia nderon sot kujtimin e magjistratit të Antimafias Paolo Borsellino i cili 30 vite më parë mbeti viktimë e një atetanti në Palermo, organizuar nga mafia siciliane Cosa Nostra.
Në 19 korrik 1992, në ora 16.59, një automjet i vjedhur i modelit Fiat 126, i mbushur me 90 kg ekpsloziv, hidhet në erë me telekomandë, në afërsi të pallatit ku banonte nëna dhe e motra e magjistratit e ku ai ndodhej për vizitë.
Përgjimet e zbardhura mbi Mister X, janë kryer më vitin 2013, me urdhër të Prokurorisë së Palermos, në burgun e regjimit 41 bis, ku vuante dënimin kapo i mafias siciliane Toto Riina, ai flet mbi mënyrën e organizimit të atentatit mafioz të vrasjes së Paolo Borsellinos, e mes pjesëmarrësve shfaqet dhe një person i ardhur nga Shqipëria e ekspert eksplozivi.
Toto Riina, kapo i kapove i mafias siciliane, zbardh ekzistencën e një Mister X nga Shqipëria, ekspert i lëndëve shpërthyese e që kishte qënë i pranishëm në përgatitjen e automjetit që do të hidhej në erë nga tritoli.
Kush është ky shqiptar ekspert i eksplozivit për të cilin flet Toto Riina?
Kanë kaluar 10 vite nga hartimi i kësaj dosje hetimore e 31 vite nga kjo ngjarje e nuk ka ende informacion mbi hetimet ndaj këtij personi.
Dyshimet më të pranueshme të cojnë se derisa flitet për një ekspert të përgatitjes së eksplozivit më vitin 1992, i tillë mund të ishte vetëm një person i dalë nga rradhët e ushtrisë o nga shërbimet sekrete të epokës komuniste shqiptare.
Por derisa dyshimi mbetet dyshim asgjë nuk është e përjashtueshme.
