Sot Sali Berisha ka bërë një lëvizje të papritur duke mbledhur kryesinë e tij personale për të denoncuar vjedhjen e zgjedhjeve lokale. Megjithatë, ajo që ka munguar në këtë mbledhje është pranimi i përgjegjësisë për humbjen e 53 bashkive dhe bastioneve demokrate si Tropoja, Kukësi, Shkodra, Kamëza, dhe të tjerë. Është e qartë se Sali Berisha ka humbur reflekset politike dhe po vepron me instinkte politike të cilat nuk i shërbejnë më interesave të vërteta të vendit.
Shtresa politike shqiptare është zhvendosur në një kohë ku duhet të ndërtojë demokracinë e vërtetë dhe të luftojë korrupsionin. Por Berisha, larg të gjitha këtyre sfidave, është i zënë duke u mbrojtur veten dhe familjen e tij nga SPAK (Struktura e Posaçme Antikorrupsion) dhe SHBA-ja duke u fshehur në seli. Ky veprim vetëm sa dëshmon se ai nuk po përmbush detyrën e tij si lider opozitar.
Duke refuzuar të pranojë realitetin faktik dhe politik, Sali Berisha po tregon një mungesë të thellë respekti për institucionet dhe demokracinë. Një lider politik duhet të jetë gati për të pranuar humbjen dhe tërheqjen me dinjitet, por Berisha duket se po hyn në një rrugë ku vlerëson vetëm mendimet dhe interesat e tij.
Ndërkohë, antarësia, kolegji i kryetarëve, kryesia dhe deputetët e PD-së që presin reflektime dhe bashkime, janë zhgënjyer me përgjigjen që morën sot. Mbledhja e kryesisë së tij familjare dhe tarafeve politiko-ekonomike, është vetëm një tregues i mëtejshëm se Berisha po i shpërqëndron përpjekjet e partisë nga detyrat themelore.
Nëse Partia Demokratike dëshiron të ketë një të ardhme të suksesshme dhe të jetë një aleate e vendit me SHBA-në, BE-në dhe Mbretërinë e bashkuar, duhet të fillojë një proces i ri ndërtimi të opozitës. Në këtë kontekst, PD-ja duhet të kuptojë se vetëm si instrument i një Opozite të re, ajo mund të mbështesë vlerat e demokracisë, të drejtat e njeriut dhe zhvillimin e vendit. Kjo do të thotë të heqë në plan të dytë interesat e ngushta personale dhe të fokusohet në mirëqenien e qytetarëve. Është koha për të hequr dorë nga politika e vjetër, e ngurtë dhe e përqendruar te individët, dhe të ndërtojmë një platformë të përbashkët, me vizion të qartë dhe që të bëhet zëri i vërtetë i popullit.
Për të arritur këtë, duhet të ketë një angazhim i vërtetë për bashkëpunim me institucionet dhe organizatat e pavarura, si dhe për të mirëkuptuar dhe ndjekur rekomandimet e misioneve ndërkombëtare për forcimin e demokracisë dhe sundimit të ligjit në vend. Ky është momenti që liderët e PD-së të shfaqin vizionin e tyre dhe të angazhohen në dialog konstruktiv me aktorët politikë të tjerë për të ndërtuar konsensusin e nevojshëm për të arritur qëllimet e përbashkëta.
Rindërtimi i Opozitës do të jetë një proces sfidues, por me përkushtimin dhe vendosmërinë e duhur, është i realizueshëm. Është e nevojshme që PD-ja të ndërtojë një strukturë të re organizative, të rishikojë programin e saj politik dhe të angazhohet në tërësi për të mbledhur një forcë të re dhe të gjallë politike.
Nëse PD-ja ka guximin të bëhet protagonisti i këtij procesi të ri, ajo mund të fitojë besimin e popullit dhe të rikthehet si një forcë e rëndësishme politike në vend. Kjo do të jetë një fitore për demokracinë shqiptare dhe për të ardhmen e vendit.
