Presidenti turk, Recep Tayyip Erdogan, ka premtuar përgjigje shumë të ashpër nëse shkelen të drejtat e Turqisë dhe qipriotëve turq në Mesdheun Lindor, sipas një marrëveshjeje të nënshkruar të hënën midis Francës dhe Qipros që lejon praninë e trupave franceze në ishull.
“Nëse ka ndonjë qëllim për të minuar të drejtat dhe ligjin e Turqisë dhe qipriotëve turq në Mesdheun Lindor, do të doja që të dihej se përgjigjja jonë do të jetë shumë e qartë dhe shumë e ashpër”, tha Erdogan, raporton Anadolu, ndërsa pjesa veriore e ishullit është një republikë e vetëshpallur dhe njihet ndërkombëtarisht vetëm nga Ankaraja.
