Ka ndërruar jetë në Spitalin e Traumës 17-vjeçari që mbeti i plagosur me armë zjarri në kokë më 24 maj në Tiranë, në zonën e njohur si kthesa e Kamzës.
I riu u plagos rëndë në kokë aksidentalisht nga shoku i tij Rigels Sylaj, në banesën e këtij të fundit.
Ai ishte duke i treguar armën shokëve, ndërsa ishin duke konsumuar alkool dhe pa e ditur që në pistoletë kishte plumba ia drejtoi 17-vjeçarit në kokë.
I riu u arrestua fillimisht për plagosje të rëndë me dashje, por tashmë pritet që ndaj tij të rëndojë një akuzë më e rëndë.
Përveç tij u arrestuan edhe dy shokë të tjerë të cilën u vunë nën akuzë për veprime që pengojnë zbulimin e së vërtetës.
