Av. Altin Goxhaj është ndaluar nga efektivë të policisë së shtetit me detyrën në Komisaritin nr. 2 në Tiranë rreth orës 19.00. Sipas burimeve av. Goxhaj ka qenë duke marrë një taksi për të shkuar në një podkast dhe është ndaluar pas një fjalosje me punonjësit e policisë. Mësohet se av. Goxhaj ka kërkuar identifikimin e tyre pasi ishin, sipas tij, pa nr identifikues, duke nxjerrë telefonin për të filmuar. Në këtë moment efektivët e komisariatit nr 2 e kanë shoqëruar për “kundërshtim të punonjësit të policisë”.
Av. Goxhaj është një kritik i njohur i policisë së shtetit dhe qeverisë Rama.
