Në një intervistë në emisionin Dekalog nga Roland Qafoku në DritareTv, gazetarja dhe moderatorja Ilnisa Agolli rrëfeu momente të rëndësishme nga jeta personale dhe profesionale, duke befasuar me deklaratën e saj për mundësinë e largimit nga Shqipëria.
E pyetur drejtpërdrejt nga Roland Qafoku nëse do të largohej nga vendi, Agolli u shpreh:
“Shpresoj që të iki nga Shqipëria. Mua më rri e vogël Shqipëria”.
Deklarata u pasua me pyetjen për destinacionin e mundshëm, ndërsa ajo konfirmoi dëshirën për të provuar jetën në Shtetet e Bashkuara:
“Unë dua që të shkoj në Amerikë. Dua të shkoj ta provoj njëherë edhe do kthehem.”
Sipas saj, kjo lëvizje lidhet edhe me një projekt personal letrar:
“Do shkoj njëherë të shkruaj një libër… doja të nisja një roman për qejfin tim. Edhe dua që të shkoj të përqendrohem andej.”, tha Ilnisa.
