Gazetari Lavdrim Lita, i ftuar në një intervistë në News24, tha se Rama dhe Veliaj sapo kanë filluar luftën dhe sipas tij po sulmojnë njëri-tjetrin.
Ai theksoi se Veliaj ka mbetur vetëm me avokatët e tij, dhe sipas tij nëpërmjet rrugës ligjore, ish-kryebashkiaku i Tiranës mund ta çojë çështjen deri në Strasburg.
Lita: Tashmë mund ta deklarojmë se lufta ka filluar dhe palët po mbrohen apo po sulmojnë sipas asaj që e kanë në dorë. Veliaj ka në dorë të ankimojë në gjykata sepse, ai ka edhe procese të tjera penale. Pra Gjykata Kushtetuese është adresa, ku ai mund të ankimojë dhe e ka bërë në rastin e parë, po e bën edhe në të dytën. Pra siç ka thënë do të ndjekë një rrugë ligjore deri në Strasburg. Nga pikëpamjet politike ai është i mbaruar politikisht. Me këtë sjellje duke thyer vijën e partisë, atë politike, ai ja ka mbyllur vetes të gjitha shtigjet. Dhe ai e kupton që ka ngelur vetëm bashkë me avokatët për të ndjekur të gjithë procesin.
Ai tha se Gjykata Kushtetuese nëse merr të vlefshëm ankimimin e Veliajt për shkarkimin e tij, mund të pezullojë dekretin e Presidentit të Republikës për zgjedhjet, vetëm në Bashkinë e Tiranës.
Ai tha se pritet që Veliaj të ndërmarrë hapa të tjerë ligjore.
Lita: Do të jetë Gjykata Kushtetuese që duhet të marrë një vendimmarrje shumë shpejt për pezullimin ose jo të dekretit të Presidentit të Republikës. Në mënyrë që të qartësohet çështja e Bashkisë Tiranë. Paramendohej se do të ishte problematike nga shumë juristë, që do të kishte kleçka ligjore. Gjykata Kushtetuese do shqyrtojë vetëm pezullimin e dekretit të presidentit në Tiranë. Dhe më pas Veliaj do bëjë që vendimin e Këshillit të Ministrave do e çojë në gjykatat administrative për ta hedhur poshtë. Siç duhet do ketë hapa të tjerë që do bëjë Veliaj. Por teknikisht Tirana ka nevojë për një kryetar bashkie.
