“Po presim përgjigjen e Iranit, nëse është e nevojshme do ta mbrojmë Izraelin”, tha Presidenti i SHBA-së Donald Trump në deklaratat e tij të para në Fox News pas sulmit izraelit ndaj Teheranit.
Presidenti i SHBA-së tha gjithashtu se ishte informuar para sulmit për planet e Izraelit, por sqaroi se ushtria amerikane nuk kishte asnjë përfshirje në operacion.
Ai përsëriti gjithashtu se shpreson që Irani do të vazhdojë negociatat me SHBA-në për të kufizuar programin e tij bërthamor.
“Irani nuk mund të ketë një bombë bërthamore dhe shpresojmë të kthehemi në tryezën e negociatave. Do ta shohim”, tha Trump.
Në të njëjtën kohë, ai konfirmoi se “ka disa zyrtarë (iranianë), udhëheqës që nuk do të kthehen”.
Presidenti amerikan në fund tha se qeveria e tij kontaktoi një aleat kyç në Lindjen e Mesme para sulmit për ta informuar, pa specifikuar se për cilin vend bëhej fjalë.
