Parlamenti Evropian vlerëson arritjet e Shqipërisë në procesin e integrimit evropian.
Parlamenti Europian ka pubikuar raportin vjetor mbi implementimin e Politikës së Jashtme dhe Sigurisë dhe nënvizon nevojën për intensifikimin e reformave, për të evidentuar më tej mangësitë që janë ende të pranishme.
“Parlamenti Evropian përshëndet ambicien e Shqipërisë për të përmbyllur me shpejtësi negociatat e anëtarësimit; nënvizon nevojën për të intensifikuar më tej reformat për të adresuar mangësitë që vazhdojnë të jenë të pranishme në lidhje me ‘themelet’, veçanërisht për sa i përket sundimit të ligjit, luftës kundër korrupsionit dhe krimit të organizuar; paralajmëron kundër çdo përpjekjeje për të minuar punën e institucioneve të pavarura, siç është Struktura e Posaçme kundër Korrupsionit dhe Krimit të Organizuar (SPAK)”, thuhet në raport.
