Edi Rama, Kryeministri i Shqipërisë ka dhënë përgjigje mbrëmjen e sotme në lidhje me reagimin e ndërkomëtarëve për Komisionet Hetimore. Rama tha për A2 CNN se nuk sheh shqetësim tek ndërkombëtarët në lidhje me këtë çështje.
Nga ana tjetër ai tha se opozita ka të drejtë të përdorë Komisonet si instrumet, por sipas tij duhet të bëhet sipas Kushtetutës.
“Nuk më ka ardhur asnjë shqetësim nga ndërkombëtarët. Pr/raporti e konstaton si fakt, por nuk thotë që duhen ngritur apo jo. Komisionet janë një instrument i opozitës, por në respekt të Kushtetutës dhe ligjit. Nuk po i mohojmë të drejtën kushtetuese askujt. Ky është një refuzim me abuzimin me të drejtën”, tha Rama.
