Qeveria e Kinës ka shkarkuar gjeneralin Li Sangfu nga posti i ministrit të Mbrojtjes, zyrtari i dytë që largohet në tre muaj.
Transmetuesi shtetëror CCTV raportoi të martën se Li ishte shkarkuar pa asnjë shpjegim.
Kjo erdhi pas javësh spekulime për fatin e gjeneralit, i cili nuk është shfaqur në publik që nga fundi i gushtit.
Vendimi për shkarkimin e tij u miratua nga Komisioni i Përhershëm i Kongresit të partisë në pushtet.
Li është ministri i dytë që shkarkohet papritur që kur Xi Jinping filloi mandatin e tij të tretë si lider i partisë tetorin e kaluar.
Qin Gang ishte zëvendësuar si ministër i Jashtëm në korrik nga paraardhësi i tij Ëang Yi.
Njoftimi për largimin e Li Shangfu erdhi disa ditë përpara se një delegacion i Pentagonit të mbërrinte në Pekin për një forum rajonal të sigurisë, duke hapur rrugën për dialogun ushtarak të nivelit të lartë të vonuar prej kohësh midis dy palëve.
