Ministri grek Giannis Oikonomou ka anuluar takimin që ishte parashikuar të mbahej këtë të martë me homologun shqiptar Taulant Balla në Kakavijë.
Shkak për anulimin e takimit janë bërë trazirat mbrëmjen e djeshme në Greqi, para ndeshjes AEK- Dinamo Zagreb, ku ka pasur një përplasje të dhunshme mes tifozëve dhe një 22-vjeçar ka humbur jetën.
Për shkak të këtyre trazirave, Oikonomou nuk do të vijë në pikën kufitare të Kakavijës, ndërsa i pranishëm do të jetë vetëm ministri Taulant Balla.
