Së shpejti qeveria do të paguajë kestin e borxhit të jashtëm dhe me ketë luhatje të Euros ekspertët thonë se mund jetë e kurdisur nga Banka e Shqiperisë dhe qeveria Rama, pasi sipas tyre, kursehen afro 20% më shumë nga pagesa e borxhit.
E ftuar në “A2Business” me Aurora Sulçen, Drejtuesja e “Open Data Albania”, Aranita Brahaj, u shpreh se ka disa faktorë ose aktorë që kanë ndikuar në këtë lëvizje të Euros muajt e fundit. Sipas Brahajt, kjo është një para informale, ndërsa shtoi se kemi edhe disa efekte, që janë momentale.
“Ka disa faktorë ose disa aktorë të mundshëm për këtë lëvizje, luhatje të Euros. Është para informale. Ne s’kemi asnjë lloj iluzioni që institucionet shqiptare e kanë nën kontroll, por madje mendojmë që janë krijuar hapësirat që këto para janë të tepërta, duke tentuar edhe të hidhen në qarkullim.
Nga ana tjetër kemi edhe disa efekte, të cilat janë të momentit. Edhe pritshmëria për rritje të pagave mund të ndikojë, apo kur ka momente të tjera kur paralajmërohen rritje pagash.”, deklaroi ndër të tjera Aranita Brahaj.
