Presidentja e Komisionin Evropian Ursula von der Leyen, është shprehur se BE nuk ka të ardhme pa Ballkanin Perëndimor, Ukrainën dhe Moldavinë si pjesë e aleancës, duke eleminuar kështu ndikimin rus në këto vende.
Presidentja e Komisionit Evropian, Ursula von der Leyen, la të kuptohet se e ardhmja e kandidatëve të rinj për anëtarësim do të vendoset me shpejtësi, ndryshe nga vende si Rumania dhe Bullgaria të cilave iu deshën 11 vite për t’u bërë anëtarë të BE-së.
“Dëshiroj ta vazhdoj eksperimentin duke u përpjekur se si do të duket Bashkimi Europian në të ardhmen. A mund ta imagjinojmë BE-në pa Ukrainën, Moldavinë, pa Ballkanin Perëndimor? Dhe ato pjesë të Europës të mbeten nën ndikimin e Rusisë dhe Kinës? E pamundur! Kështu që drejtimi i rrugës sonë është i qartë’, tha Von der Leyen.
“Tani duhet të fillojmë të mendojmë se si po sigurohemi që Evropa të jetë shtëpia; se ato vende janë pjesë e Bashkimit Evropian dhe këto janë vendime parimore që duhet të marrim, duhet të diskutojmë se si do të duket procesi i vendimmarrjes. Duhet të diskutojmë se si do të ndahen fondet e përbashkëta që kemi, cilat janë politikat e përbashkëta që ne ndjekim’, tha ajo duke shtuar se këto pyetje duhet të adresohen “sa më shpejt të jetë e mundur”, shtoi ajo.
