Ambicia globale e Kinës shfaqet veçanërisht me iniciativën “Brezi dhe Rruga” – një term i përdorur për projekte disa miliarda dollarëshe të politikës së jashtme të Xi, që kanë për qëllim të krijojë ndikimin përmes infrastrukturës, investimeve dhe lidhjeve më të ngushta politike.
Këto investime në kontinentin afrikan hasin shpesh me ngjarje të rënda të sigurisë fizike. Vrasja e nëntë punëtorëve kinezë të minierës së arit në Republikën e Afrikës Qendrore të përfshirë nga konflikti këtë muaj theksoi rreziqet me të cilat përballen disa projekte të zhvillimit të Brezit dhe Rrugës në zonat e paqëndrueshme.
Për të mbrojtur investimet dhe qytetarët kinezë, Pekini ka krijuar kontraktorët e tij privatë të sigurisë, por analistët thonë se këto kompani operojnë shumë ndryshe në kontinent sesa grupi famëkeq i Rusisë Wagner. Një nga dallimet kryesore midis kompanive private të sigurisë kineze dhe ruse në Afrikë është se kompanitë kineze janë më të fokusuara në mbrojtjen e investimeve të tyre në vend, ndërsa ato ruse janë më të përqendruara në mbështetjen e qeverive afrikane në mbrojtjen e stabilitetit të tyre.Kjo është e shprehur në mënyrë të qartë në mënyrat e ndryshme të operimit të këtyre kompanive në vendet ku ato janë të pranishme.
Në Afrikën qendrore, kompanitë kineze të security privat kanë një prani të madhe, ato janë më të përqendruara në mbrojtjen e minierave dhe infrastrukturës së tyre. China Security and Protection Group (CSG), dhe China National Security Group (CNSG) ofrojnë shërbime si mbrojtja e personelit, transporti i sigurt i mallrave dhe mbrojtja e objekteve të rëndësishme. Ndër kompanitë që punojnë në kontinent janë Beijing DeWe Security Service, Huaxin Zhong An Security Group dhe China Security Technology Group. 99% e kontraktorëve të sigurisë në Kinë janë ish- efektivë të Ushtrisë Çlirimtare Popullore dhe gjithashtu ish-forca speciale dhe ish-polici paraushtarake. Ekziston një nivel kontrolli, ligjet në Kinë janë shumë të qarta, se shteti duhet të ketë një interes të mbajtjes së kontrollit në të gjitha firmat e sigurisë. Nga 5000 firma sigurie të regjistruara në Kinë, 20 janë të licencuara për të operuar jashtë shtetit dhe raportuan se punësonin 3200 kontraktorë individualë.
Në përgjithësi, kompanitë private të sigurisë kineze dhe ruse janë të përfshira në marrëveshje me qeveritë lokale për të siguruar mbrojtje dhe stabilitet në rajon. Në shumë raste, ato veprojnë në bashkëpunim me qeveritë lokale dhe agjencitë e sigurisë për të arritur këto qëllime.
