Kreu i Rithemelimit Sali Berisha ka deklaruar sot në një konferencë për mediet, se qëndrimet e tij dhe të Gazit sa i përket kandidatit të opozitës për kryeministër janë pranë njëra-tjetrës. Ky intimitet mes Berishës që e quan z. Bardhi, si Gazi, pa atribute, dëften edhe të gjithë konspiracionin dhe fushatën që kanë nisur në disa medie, ngase grupi i deputetëve të udhëhequr nga Gazmend Bardhi kundër Lulzim Bashës si garues për kryetarë të PD-së, si dhe sabotimin e riorganizimit të partisë.
I pyetur mbi qëndrimet e Gazit se, “nuk bashkohet” me Berishën nëse ai do të jetë kandidat për kryeministër në zgjedhjet e vitit 2025, Berisha tha se nëse PD del fituese, kandidati për kryeministër do të dalë nga primaret e demokratëve. Ai pohoi se nëse demokratët do ta “votojnë” me shumicë, atëherë ai do të jetë kandidat për kryeministër, edhe pse është një politikan non grata nga SHBA dhe Britania e Madhe të cilat kanë deklaruar se nuk do të kenë kurrë marrëdhënie me çdo grupim, forcë politike apo qeveri, që do të ketë në krye Sali Bershën.
Gazetari: Bardhi deklaroi se me Sali Berishën kandidat për kryeministër në 2025 nuk do ti bashkohet grupit tuaj. Do të jeni kandidat në 2025 apo mund të nxirrni një kandidat tjetër?
Sali Berisha: Nuk jemi larg me Gazin në këtë rast. Unë kam deklaruar se edhe pasi të fitojë zgjedhjet PD, do ketë votim primaresh për kryeministër. Nëse shqiptarët votojnë masivisht Sali Berishën për kryeministër, çdo demokrat do ti nënshtrohet votës. Por këtë detyrim e ka Sali Berisha, do ketë një votë për kryeministër. Do të ketë votë për kryeministrin. Asnjeri nuk mund ta kundërshtojë votën masive për mua, ta zëmë.
