I ftuar në emisionin “Kjo Javë” në News24 ma gazetaren Nisida Tufa, ish prokurori Shkëlqim Hajdari ka komentuar rikthimin e Bashës.
Hajdari: Për mendimin tim , lëvizja e zotit Basha, mua nuk më intereson shumë individi, pra zoti Basha, mua më intereson nëse Basha do të rikthehet për të garuar brenda Partisë Demokratike si emër apo si program. Kam parë këto ditë kur kam qenë në Shtetet e Bashkuara të Amerikës që zoti Basha ka filluar shpalosjen e një projekti shumë të masdh i cili synon hapjen e listave, i cili synon hapjen e garës brenda partive politike. Që ngul këmbë për të votuar shqiptarët që janë jashtë vendit, që kërkon votimin elektronik, që kërkon ndryshime të cilat përmirësojnë mënyrën e qeverisjes për të bërë parlamentin ushtrues të kontrollit mbi qeverirë, etj. Dhe për mua kjo është gjëja që kam vite që e pres shumë qysh në… më ka ngel ora në prillin e 2008-ës ku ish-kryeministri i asaj kohe bashkë me kryetarin e opozitës kanë bërë disa ndryshime kushtetuese të frikshme, i kanë inicjuar këto dy ditë pasi ka ndodhur Gërdeci dhe kanë përmbysur të gjithë skenën demokratike që në njëfarë mënyre ruante dhe balancimin dhe ndarjen e pushteteve. Nga një ligj mazhoritar me elemente propocional, e kanë kthyer ligjin zgjedhor, pra pas 2008-ës, proporcional rajonal me lista të mbyllura. Presidenti nga 84 vota që zgjidhej që të ishte një mbajtës i sovranitetit, balancues i pushteteve jashtë palëve, që zgjidhej me 84 vota, pavarësisht se kishin deklaruar në 2007-ën kur ishte kriza që do të zgjidhej zoti Topi, që do ta zgjidhte populli, jo vetëm që nuk e çuan nga populli, e ndryshuan dhe e çuan me zgjedhje me 71 vota. Po ashtu ndryshuan mocionet e besimit dhe mosbesimit, që i bie praktikisht si mazhoranca si opozita të mos kenë asnjë tagër të kontrollojnë apo të rrëzojnë një kryeministër me zgjedhje të parakohshme. Ndërkohë mandatuan me mandat prokurorin e përgjithshëm, por ajo u zgjidh me reformën në drejtësi dhe të gjithë këto elementët që ndodhën në tërrësi e kanë çuar mbrapa, e kanë kthyer Shqipërinë në një vend ku ndarje dhe balancim të pushteteve nuk ka. Garë për prodhimin e deputetëve, ku pas zgjedhjes së deputetëve këto janë trupa që krijojnë shtetin, është klientelë, është pa garë. Shqiptarëve megjithëse u premtojnë herë pas here që do votoni, pra 1/3 e votuesve janë jashtë Republikës së Shqipërisë, nuk marrin masa serioze që të krijohet regjistri elektronik dhe të gjehet një mënyrë për të votuar. Të gjitha këto të marra së bashku, në gojën e një lideri politik që përfaqëson një forcë politike zotit Basha, mua më gëzojnë shumë që të jem i sinqertë.
Do të përshëndesja çdo politikan në Shqipëri që do të merrte përsipër të çonte përpara seriozisht një reformë për ringrintjen e demokracisë në Shqipëri. E ka marrë zoti BAsha, i uroj të ketë sukses, i uroj të jetë serioz dhe jam i bindur që janë pjekur të gjitha kushtet që edhe mazhoranca, edhe kryeministri Rama të kuptojnë dhe të bëjnë ato ndryshime që nëse do kishim ndonjë mundësi të bënim referendum, populli shqiptar do t’i votonte mbi 99%.
Kur diskutohet nëpër studio televizive, të jem i sinqertë, kur e kërkojnë shpëtimin shqiptarët me të drejtë, edhe analistët besoj një pjesë e madhe e tyre edhe komentatorët politikë, kanë rënë viktima të emrave. Domethënë gjithë kohës bëhen diskutime çfarë do të bëjë Rama, çfarë do të bëjë Basha, po Meta ku është, po Berisha do iki, a do vijë Arlind Qori të na shpëtojë, po Adriatik Lapaj çfarë po bën, pse spo futet në garë?! Unë nuk jam i kësaj filozofie. Unë jam i filozofisë që Shqipëria të ndërtojë rregullat e lojës, të fushës së lojës në të cilët çdo individ, çdo organizim politikë futet në garë dhe ka të garantuar fayr play. Domethënë i numërohet vota, krijohet fryma që të gjithë shqiptarët të votojnë, si ato që rrinë në shtëpi, si ata që janë jashtë shtetit. Qytetarët shqiptarë kanë të drejtën të votojnë brenda listës të një partie, brenda një koalicioni, kanë mundësi të zgjedhin mes partive të vjetra dhe lëvizjeve të reja që mund të krijohen. Domethënë unë me emra nuk merrem. Unë besoj që bota demokratike ku ne aspirojmë të shkojmë, me në krye Shtetet e Bashkuara të Amerikës, funksionon me institucione, nuk funksionon me emra. Në qoftë se ne nuk heqim dorë nga kulti i individit që ka të bëjë me emrat e kryetarëve, ky vend kurrë nuk do bëhet. E kam bindje këtë pjesë. Dhe reforma kushtetuese pra, tani zoti Basha e ka kapur, sepse nuk është zoti Basha ai që… domethënë ka reflektuar. Edhe kjo është për t’u përshëndetur sepse zoti Basha ka nënshkruar, ka qenë atëherë pjesë e 2008-ës që ka firmosur. Po të paktën ka pasur kurajon ka kërkuar ndjesë publike për ndryshimet kushtetuese, për aq sa i përfaqësonte. Dhe po udhëheq një proces dhe shumë shpejt, jam i bindur që shumë njerëz, domethënë që kanë vite që jetojnë për riparimin e këtyre ndryshimeve, do t’i bashkëngjiten lëvizjes. Nëse nuk do t’i bashkëngjiten do të thotë që kanë qenë hipokrit, kanë probleme me emrin dhe jo me prjketin që ka personi.
