Një reper i “Fugees” i akuzuar për komplote politike shumëmilionëshe që përfshinin dy presidenca është shpallur fajtor dhe rrezikon 20 vite burg.
Prakazrel “Pras” Michel u akuzua për derdhje parash nga një financues malajzian tashmë i arratisur në fushatën e rizgjedhjes së Barack Obamës në vitin 2012, më pas u përpoq të fshinte një hetim të Departamentit të Drejtësisë dhe të ndikonte në një rast ekstradimi në emër të Kinës nën administratën Trump, shkruajnë mediat e huaja. Ai do të përballet me 10 akuza, duke përfshirë konspiracionin dhe veprimin si agjent i paregjistruar i një qeverie të huaj. Michel nuk pranoi të komentojë pas vendimit, por avokati i tij tha se ai është jashtëzakonisht i zhgënjyer nga rezultati i çështjes dhe ka në plan të apelojë.
“Kjo nuk ka mbaruar. Unë mbetem shumë, shumë i sigurt se në fund do të triumfojmë,” tha avokati David Kenner.
Michel u takua për herë të parë me financuesin malajzian Loë Taek Jho në vitin 2006, kur biznesmeni i njohur zakonisht si Jho Loë po hidhte shuma të mëdha parash dhe po merrej me njerëz si Paris Hilton. Loë ndihmoi në financimin e filmave të Hollivudit, duke përfshirë “The ëolf of ëall Street”. DiCaprio dëshmoi se Loë i ishte shfaqur si një biznesmen legjitim dhe kishte përmendur dëshirën për të dhuruar për fushatën e Obamës.
