Inspektorati i Përgjithshëm, i drejtuar nga Dashnor Sula, ka shkarkuar nga detyra katër inspektorë të Autoritetit Kombëtar të Ushqimit (AKU), pas shkeljeve të konstatuara në procedurën e kontrollit të ngarkesës prej 27 tonësh me mish derri të importuar nga Brazili.
Vendimi disiplinor vjen pas hetimit administrativ dhe shqyrtimit të përgjegjësive individuale të punonjësve, të cilët akuzohen për mosverifikim të dokumentacionit dhe certifikatave përkatëse, si dhe për lejimin e kalimit të ngarkesës në kundërshtim me kërkesat ligjore.



