THIRRJE PËR DISTANCIM NGA GRUPET E DHUNSHME DHE ORGANIZIMET ME TAKTIKA GUERILE
Si ish-ushtarak dhe profesionist i fushës së sigurisë, e konsideroj të domosdoshme të paralajmëroj opinionin publik për një fenomen shqetësues që kërkon vëmendjen e institucioneve, prindërve dhe çdo qytetari.
Një material i paraqitur si manual i lëvizjes ANTIFA përmban udhëzime të detajuara për mobilizimin e turmave, organizimin në formacione, pajisjen me mjete mbrojtëse, afrimin ndaj forcave të policisë, ushtrimin e presionit dhe ndarjen e detyrave gjatë përplasjeve.
Ky nuk është thjesht organizim i një proteste qytetare. Te gjitha keto elementeve përputhen me taktika të organizimit dhe përballjes së koordinuar me forcat e rendit.
Gjatë protestave të dhunshme të ditëve të fundit në Tiranë kemi parë veprime që ngjajnë dukshem me metodat të përshkruara në këtë material: përdorimin e maskave, lëvizjen e koordinuar në grupe, përplasjet me policinë dhe përfshirjen e të rinjve në situata me rrezik të lartë.
Si ish-oficer, e di mirë dallimin ndërmjet një proteste paqësore dhe një grupi që organizohet për konfrontim fizik. Kur turma ndahet në role sulmi, mbështetjeje dhe vëzhgimi, ndërsa synohet çarja e kordoneve policore, rreziku për jetën dhe sigurinë e qytetarëve rritet ndjeshëm.
Prandaj u bëj thirrje të gjithë qytetarëve, veçanërisht të rinjve:
DISTANCOHUNI NGA ÇDO GRUP QË JU NXIT TË PËRPLASENI ME POLICINË, TË SHKATËRRONI PRONËN PUBLIKE APO PRIVATE DHE TË MERRNI PJESË NË AKTE DHUNE!
U drejtohem veçanërisht prindërve: interesohuni se me kë shoqërohen fëmijët tuaj, kush i fton në protesta dhe çfarë u kërkohet të bëjnë. Mos lejoni që të miturit të përdoren si instrumente të grupeve që kërkojnë konfrontim.
Institucionet ligjzbatuese duhet të identifikojnë organizatorët dhe nxitësit e dhunës, të hetojnë çdo strukturë që përdor metoda të organizuara për sulme dhe të garantojnë njëkohësisht të drejtën kushtetuese të protestës paqësore.
Protesta është e drejtë kushtetuese. Dhuna nuk është.
Shqipëria ka nevojë për debat demokratik, siguri dhe stabilitet, jo për përplasje të organizuara që rrezikojnë qytetarët, punonjësit e policisë dhe rendin publik.
Asnjë kauzë politike nuk justifikon përdorimin e të rinjve si forcë përplasëse kundër institucioneve të shtetit.
Ku eshte manuali i cili po qarkullon ne grupet e organizimit.
Manuali
Demonstrimi kundërshtimit kundër qeverisë, afrimi i sa më shumë pjesëmarrësve, dalja në rrugë me sa më shumë njerëz për të afruar të tjerë.
Takimi me miq e kolegë, larg forcave të sigurisë. Të inkurajohen kalimtarët që të bashkohen në protestë. Marshimi drejt objektivit të përcaktuar.
Veshja
- Syze mbrojtëse(mund të blihen në çdo dyqan hidrosanitaresh).
- Mbulesë mbrojtëse ndaj gazit lotësjellës por mund të përdoret edhe maskë antigaz.
- Bluzë me kapuç: përdoret që të mbajë gazin larg fytyrës.
- Doreza kuzhine; ndihmojnë që nxehtësia e gazit të mos kapë gjymtyrët.
- Këpucë komode për të lëvizur me nxitim.
Taktika - Duhet ë dalin në shesh e të zbresim në radhë paralele.
- Nëse forcat e policisë na ndalojnë të vazhdojmë marshimin, thërrasim slloganët tanë e çajmë rrethimin.
- Nëse na sulmojnë, radhët e para duhet të tërhiqen pak.
- Nëse thërrasim parrullat tona nuk duhet të tërhiqemi, duhet të vijojmë sa të mundemi të avancojmë.
- Sa më shumë që i afrohemi policisë, aq më pak mundësi kanë që të na sulmojnë me gaz lotsjellës. Kështu rritet presioni ndaj tyre.
- Nëse na gjuajnë me gaz, duhet të qëndrojmë të qetë dhe të palëvizur. Paniku na dëmton më shumë.
- Nëse dëgjon një shpërthim, mos ik. Rri në rresht e mbro radhën para teje, dije që efekti i këtyre masave është i përkohshëm.
- Mos prek bombat me gaz lotsjellës pa doreza.
- Gjëja më kryesore është mbrojtja dhe mbështetja e njëri-tjetrit. Secili të jetë i vëmendshëm për atë që ka pranë, duhet së paku të ketë kujdes për dy veta pranë tij. Kështu krijohet një zinxhir mbështetjeje dhe komunikimi.
- Mbështetja e shokëve është më e rëndësishme sesa sulmi ndaj policisë.
- Kërko që spektatorët të bashkohen në protestë(nga rruga nga kafja etj).
- Shpërnda detyrat në turmën e sulmit. Kush kryen sulmin, kush ndihmon të sulmuarit apo të plagosurrit etj etj. Duhet të sigurohet që asnjëri të mbetet mbrapa.
- Të dish që pallatet janë si kulla vëzhgimi e armë në krah të lëvizjes tonë.
- Mos lër asnjë agjent të policisë që të infiltrohet në turmë.
- Mos u bëj pasiv dhe i padobishëm, secili është pjesë e revolucionit.
Çështjet e tjera
- Mjetet e ndihmës së shpejtë: Fasha, alkool, leukoplast, disifektant.
- Ilaçe kundër dhimbjeve.
- Ujë të pijshëm.
- Maalox i lëngshëm ose ujë të oksigjenuar për t’i përdorur kundër gazit lotsjellës, si dhe sapun neutral kundër spry-t.
- Uthull që përdoret rreth maskës apo fytyrës për tu mbrojtur ndaj gazit lotsjellës.
