Protesta e studentëve në Tiranë po merr përmasa gjithmonë e më të mëdha, ndërsa ka hyrë në ditën e 3-të.
Përpos përplasjes së ashpër mes protestuesve dhe forcave të rendit, ka habitur jo pak qasja “bashkëpunuese” e dy tifozerive më të “zjarrta” në Shqipëri me protestën e udhëhequr nga studentët, konkretisht tifozët e Tiranës dhe Partizanit.
Ndërsa u evidentuan mbështetës të ekipit të Tiranës në sheshe të ndryshme, ka qenë radha e tifogrupit “Guerrils”.
Në “story”, ata vënë në dukje mesazhin: “Guerrils janë studentë, janë me studentët. Janë shqiptarë, janë me popullin shqiptar. Një për të gjithë e të gjithë për një”.
