Një grua kanadeze me origjinë kineze, e cila ishte praktikante në selinë ushtarake të NATO-s në Belgjikë, është arrestuar me akuza spiunazhi, thanë të shtunën prokurorët belgjikë.
“Ajo dyshohet për spiunazh në emër të një vendi të tretë dhe për anëtarësim në një organizatë kriminale,” tha Zyra Federale e Prokurorit Publik në një deklaratë.
Gruaja punonte si praktikante në Selinë Supreme të Forcave Aleate të Evropës (SHAPE) të NATO-s në qytetin belgjik tëMons, thuhet në deklaratë. Ajo nuk dha detaje të mëtejshme rreth identitetit të saj apo vendit ose organizatës për të cilën dyshohet se ka spiunuar.
