“Pas protestës është Rusia”, deklaroi ministri Blendi Gonxhja, duke folur për algoritme, luftë digjitale dhe ndërhyrje të huaja në amplifikimin e protestës.
Nëse ky është një vlerësim i bazuar në fakte, atëherë lind një pyetje e thjeshtë: çfarë ka bërë shteti shqiptar?
Shqipëria ka shërbime inteligjence, struktura të sigurisë kibernetike, Policinë e Shtetit, SPAK-un dhe bashkëpunim me NATO-n. Janë identifikuar autorët? Janë nisur hetime? Janë marrë masa konkrete?
Nëse rreziku është real, qytetarët meritojnë përgjigje. Nëse jo, deklarata mbetet vetëm copëz propagande pa shije.
