Presidenti turk, Recep Tayyip Erdogan, ka theksuar se Ankaraja nuk dëshiron që konflikti midis Shteteve të Bashkuara dhe Iranit të përhapet në vendet e tjera të rajonit.
Deklarata u bë gjatë një takimi në Stamboll me kryeministrin e Qeverisë Rajonale Kurde të Irakut, Masrur Barzani, ku diskutuan zhvillimet e fundit në rajon.
Erdogan shprehu shqetësimin për sulmet që kanë ndodhur në Irak, përfshirë edhe zonën e Erbilit, dhe theksoi rëndësinë e stabilitetit për unitetin dhe kohezionin e vendit.
Ai riafirmoi mbështetjen e Turqisë ndaj qeverisë qendrore të Irakut dhe Qeverisë Rajonale Kurde, duke përmendur bashkëpunimin në fushat e tregtisë, transportit dhe energjisë si prioritet.
