Banorët e zonës bregdetare të Jalës kanë kundërshtuar sot ndërhyrjen e forcave të IKMT-së dhe Policisë së Shtetit, të cilat kishin shkuar për të prishur disa objekte që konsiderohen pa leje.
- Advertisement –
Tensionet kanë qenë të larta, ndërsa banorët janë përplasur verbalisht me efektivët, duke kërkuar ndalimin e aksionit.
Sipas tyre, objektet në fjalë janë ndërtuar prej vitesh dhe përfaqësojnë investime jetike për mbijetesën e tyre ekonomike, veçanërisht gjatë sezonit turistik. Ata kërkojnë dialog me autoritetet dhe zgjidhje ligjore, pa dëmtuar pronat e tyre.
Nga ana tjetër, IKMT ka deklaruar se aksioni është pjesë e një fushate më të gjerë për pastrimin e vijës bregdetare nga ndërtimet informale dhe zbatimin e ligjit për territorin.
