Një aksident i rëndë ndodhi në rrugën Shkodër-Hani i Hotit mëngjesin e të enjtes. Një ambulancë u përplas me një makinë tip “Volkswagen”. Në këtë të fundit ndodhej përveç pasagjerit 57-veçar edhe vajza e tij dhe një pasagjer tjetër.
Si pasojë e përplasjes së fortë, policia thotë se humbi jetën 57-vjeçari Abaz Kuka. Vajza e tij, 18-vjeçarja D. Kuka mbeti e lënduar dhe është dërguar në spital.
Policia thotë se po kryen veprimet procedurale mbi shoferin e ambulancës. Ndërkohë po punohet për sqarimin e rrethanave të këtij aksidenti tragjik.
