Këshilltarja Papa i përgjigjet Berishës: PD ka depozituar në SPAK dosjen për kullën 64 kate

Prof. Enriketa Papa, kreu i këshilltarëve të PD në Këshillin bashkiak të Tiranës përmes një komunikimi publik ka deklaruar:

Shpifjet e Sali Berishës nuk e fshehin dot të vërtetën, që ai dhe familja e tij janë ortakë të drejtëpërdrejtë të Edi Ramës në kullën e radhës në Tiranë. Partia Demokratike ka depozituar në SPAK dosjen për kullën me 65 kate, dhe po pret hetimin për kullën Rama-Berisha. Që të përshpejtoj hetimin Berisha le të shkoj dhe të tregoj me çfarë parash po ndërtohet.

Ata që e çojnë në SPAK nuk vënë dot gjoba, “profesionisti”, është ai që ditën të sulmon ndërsa natën merr leje ndërtimi, siç bën Berisha me Ramën.

Duke u sjellë edhe njëhere në vëmëndje kallzimin penal të PD për kullën Berisha-Rama, ftojmë dhe Sali Berishën të bëjë të njëjtën gjë. Nëse nuk ka frikë se familjarët e tij fshihen pas tyre, të lërë përrallat që u ka dalë boja dhe të çojë në SPAK kullat e Tiranës që po pastrojnë paratë e pista.

Latest articles

Related articles