Kolegji Zgjedhor ka vendosur përsëritjen e zgjedhjeve në bashkinë e Rrogozhinës.
Kolegji ka pranuar kërkesën e koalicionit “Bashkë Fitojmë”, për pavlefshmërinë e rezultatit për kutinë e burgut.
Nuk ka një deklaratë që bën me dije nëse kutia rezultati i kutisë është shpallur i pavlefshëm, por është njoftuar vetëm përsëritja e procesit.
Duke qenë se diferenca e votave mes dy kandidatëve ishte më e vogël se ajo e pjesëmarrësve në votime në këtë QV, është vendosur përsëritja e procesit.
Gazetari Ergys Gjençaj raporton se zgjedhjet priten të mbahen brenda një periudhe prej katër javësh.
Kujtojmë se kandidati i Partisë Socialiste fitoi në këtë bashki me një diferencë prej vetëm 21 votash nga kandidati i “BF”.
Kolegji në vendimin e marrë në seancë ka shfuqizuar vendimin e KAS dhe ka shpallur të pavlefshme zgjedhjet dhe ripërsëritjen e zgjedhjeve.
Më 6 qershor Komisioni i Ankimimeve dhe Sanksioneve vendosi të njohë si të vlefshëm votimin e të burgosurve në burgun e Rrogozhinës.
