– Raketa e re e madhe e kompanisë SpaceX të Elon Musk, Starship, ka shpërthyer në fluturimin e saj të parë. Askush nuk u lëndua në testin pa ekuipazh që u ngrit nga bregu lindor i Teksasit. Pas dy deri në tre minuta në fluturim, raketa filloi të dilte jashtë kontrollit dhe u shkatërrua shpejt nga ngarkesat në bord, raporton BBC.
Musk ka thënë se kompania e tij do të provojë përsëri pas disa muajsh.
Inxhinierët e SpaceX ende e vlerësojnë misionin si një sukses. Raketa kaloi me sukses Max Q, pra, pikën kulmore të fërkimit dhe kjo është një arritje aerodinamike për raketën që supozohet që do të çojë njerëzit në planetin Mars.
Ata pëlqejnë të “testojnë herët dhe shpesh” dhe nuk kanë frikë të thyejnë gjërat. Ata do të kenë mbledhur një masë të dhënash për të punuar drejt fluturimit të ardhshëm. Një Starship i dytë është pothuajse gati për të marrë fluturimin.
“Urime ekipi i @SpaceX për një nisje testuese emocionuese të Starship! Mësuam shumë për lançimin e ardhshëm test brenda disa muajsh,” shkroi Musk në Twitter
