Gazetari, Lavdrim Lita, i ftuar në “Ora e Betit” thotë se Erion Veliaj për 4 vitet e fundit në drejtimin e bashkisë Tiranë do të mbahet mend vetëm për prishjen e Teatrit Kombëtar.
Lidhur me ndarjen e parave për fushatë nga KQZ, ai tha se PS nuk i mjaftuan paratë e 10 viteve në pushtet për ti dhënë sërish nga paratë e taksapaguesve.
Lita: Duhet të bënim bilancin 2019-2023, Erion Veliaj ka 8 vite në bashkinë e Tiranës. Do të mbahet mend në katër vitet e fundit për asgjë, përveç prishjes së Teatrit Kombëtar dhe lënies së një gropë aty dhe kullat që i mbjellin në vend të pemëve. Mbjellja e pemëve pas Skënderbeut është një tallje e madhe, se nuk kanë lënë vend tjetër.
Ditët e fundit kemi blerje vote me VKM. Rama ka vendosur ti japë 5 mijë lekë çdo pensionisti para zgjedhjeve. Atë që bënin çunat në lagjet e Shqipërisë duke blerë vota me 5 mijë lekë. Ne nuk po flasim për këtë.
KQZ drejtohet nga ish-ministri i Edi Ramës që për dy muaj e luftoi PD do regjistrohet apo nuk regjistrohet. Duhet hetuar nga SPAK për 6 tendera që ka bërë 2 muajt e fundit. Ka nevojë PS, prej 10 vitesh në pushtet, për lekët e KQZ.
Janë lekët sheshit dhe thithen nga PS me fshesë korrenti, do ti japim prapë lekë nga taksapaguesit ne për të bërë tallavanë me pemë dhe gjëra të tjera?
