ANGLI – Drejtuesit e Paris Saint-Germain planifikojnë të blejnë lojtarin e Manchester City dhe kombëtares norvegjeze Erling Haaland për 200 milionë euro në fund të sezonit, raporton faqja franceze Futmercato.
Mediat franceze pretendojnë se drejtuesit e PSG-së po planifikojnë të rindërtojnë skuadrën në fund të sezonit. Neymar dhe Lionel Messi duhet të largohen nga kampionët e Francës. Klubi i Parisit planifikon të punësojë lojtarët e rinj më të mirë të Evropës.
Haaland nuk është i lumtur te Manchester City. Stili i lojës së Pep Guardiolës nuk i përshtatet atij dhe nëse PSG e paguan vërtet klauzolën e dëmshpërblimit prej 200 milionë euro, Manchester City nuk do të ketë zgjidhje tjetër – tha analisti i njohur i futbollit, Daniel Riolo.
Ai pretendon se nëse PSG nuk sjell Haaland, do të tentojë të nënshkruajë Victor Osimhen nga Napoli.
Futmerkato kujton se PSG-ja do të duhet të zgjidhë problemin e “fair play”-it financiar nëse Haaland arrin në klub, pasi futbollisti norvegjez do të kërkonte një pagë të madhe.
