Gazetari Lavdrim Lita tha në emisionin Now në Euronews Albania se PD ka një arkivë të pasur të filtrimit të kandidatëve, përfshirë ata të primareve.
Deklarata e ambasadës amerikane sipas tij, lidhet me faktin se ata nuk e njohin grupimin e Rithemelimit dhe për rrjedhojë, nëse Apeli do konfirmonte Berishën si kryetar do shkëpusnin marrëdhëniet.
“Edhe në deklaratën e ambasadës së SHBA thuhet takim me liderët e partive, drejtuesit. SHBA njeh lidershipin e Alibeajt, të PD zyrtare. Fakti që takimi është bërë në kryesinë e kuvendit është sinjal që PD ka një problem, se nuk ka një seli. Janë të qartë në raport me PD dhe Sali Berishën, mund të jenë penduar që e kanë mbështetur Berishën dhe se nuk duan të bashkëpunojnë me Berishën dhe ndjekësit e tij”, tha Lita.
