Drejtori i Agjencisë për Media dhe Informim të Qeverisë, Endri Fuga ka dhënë dorëheqjen nga kjo detyrë pasi do të fokusohet në fushatën zgjedhore të Partisë Socialiste për zgjedhjet e 14 majit.
Lajmin e konfirmoi vetë si përmes një njoftimi zyrtar.
Urdhër:
Nr. 18, datë 28.2.2023
PËR DELEGIM KOMPETENCE
Në mbështetje të neneve 28 dhe 29, të ligjit nr. 44/2015, “Kodi i Procedurave Administrative i Republikës së Shqipërisë”,
Urdhëroj:
1. Delegimin e kompetencave z. Alteo Hysi, zëvendësdrejtor i përgjithshëm i Agjencisë për Media dhe Informim, për të gjitha procedurat që lejon ligji, për aq sa është e mundur dhe në përputhje me legjislacionin në fuqi.
2. Kompetencat e deleguara do të ushtrohen për periudhën nga data 28.2.2023 deri në datën 31.12.2023.
3. Për zbatimin e këtij urdhri ngarkohet z. Alteo Hysi, zëvendësdrejtor i përgjithshëm i Agjencisë për Media dhe Informim.
4. Ky urdhër hyn në fuqi menjëherë dhe botohet në Fletoren Zyrtare.
Drejtor i Përgjithshëm, Endri Fuga
