Të shtëna me armë zjarri janë shënuar pasditen e sotme në qytetin e Vlorës, ku si pasojë ka mbetur një i plagosur.
Sipas informacioneve paraprake mësohet se ngjarja ka ndodhur në lagjen “10 Korriku” ku i plagosur ka mbetur shtetasi Dëfrim Pasha, 40 vjeç.
Ka qenë vetë 40-vjeçari i cili është paraqitur pranë ambienteve të spitalit të Vlorës për të marrë ndihmën mjekësore.
Mësohet se ngjarja ka ndodhur si pasojë e një konflikti të çastit, ndërkohë pak minuta pas ngjarjes është bërë i mundur edhe arrestimi i autorit shtetasi me ininciale, L. Z., 38 vjeç.
Vlorë
Plagosi me armë zjarri, një 40-vjeçar, falë reagimit në kohë nga Policia, kapet dhe vihet në pranga autori i dyshuar.
Gjatë kontrollit të banesës së autorit, Policia ka gjetur dhe sekuestruar një armë gjahu.
Rreth orës 16:00, në lagjen “10 Korriku”, shtetasi L. Z., 38 vjeç, dyshohet se pas një konflikti për motive të dobëta, ka plagosur me armë zjarri, shtetasin D. P., 40 vjeç, të dy banues në lagjen “10 Korriku”, Vlorë.
Shërbimet e Policisë, falë koordinimit në kohë me sallën e operative të DVP Vlorë, kanë bërë të mundur menjëherë kapjen dhe neutralizimin e autorit të dyshuar, shtetasit L. Z.
Ndërkohë, i plagosuri, shtetasi D. P., aktualisht po merr ndihmë mjekësore në spital dhe ndodhet jashtë rrezikut për jetën.
Nën drejtimin e Prokurorisë vijojnë veprimet për dokumentimin e plotë të rrethanave të ngjarjes.
