Kreu i PLL, Axhami: Kandidati për kryetar bashkie në Tiranë përmes Primareve të hapura

spot_img
Advertisements

Zgjedhjet në Tiranë kanë rëndësi përtej qeverisjes lokale. Ato janë një provë e rëndësishme për të ardhmen, besueshmërinë dhe vazhdimësinë politike të opozitës shqiptare.

Kandidati i opozitës mendojmë se duhet të jetë rezultat i një procesi të përbashkët, demokratik dhe transparent.

Për këtë propozojmë një mekanizëm konkret që mund të mundësojë mbështetjen e një kandidatur të vetme për Bashkinë Tiranës!

  1. Paraprakisht, duhet dakordësim politik mes të gjithë faktorëve opozitarë, partive politike dhe përfaqësuesve të lëvizjes së protestës për një kandidat të vetëm.
  2. Propozim kandidaturash nga secili faktor opozitar.
  3. Krijim i një Komisioni të Përbashkët Opozitar, që do të administrojë procesin.
  4. Miratim me konsensus i kritereve dhe kandidaturave, duke vlerësuar integritetin, profesionalizmin, përvojën dhe aftësinë bashkuese të kandidatëve.
  5. Organizim i primareve të përbashkëta, jashtë strukturave dhe kontrollit të çdo partie politike.
  6. Votim transparent dhe i monitoruar, me identifikimin e votuesve përmes kartës së identitetit dhe regjistrimin e pjesëmarrjes.
  7. Angazhim paraprak i të gjithë faktorëve për të mbështetur kandidatin fitues dhe për të bashkuar forcat në funksion të fitores.
    Për bashkitë e tjera, kjo formulë mendojmë se duhet dhe mund të përdoret për bashkitë qendër qarku dhe sidomos për bashkitë ku ka qendër universitare si, Elbasan, Shkodër, Durrës, Korçë, Vlorë, Gjirokastër!
spot_img

Latest articles

Related articles