Prokuroria e Posaçme ka dhënë pretencën për kryetarin e Bashkisë së Vaut të Dejës, Kristjan Shkreli, i cili akuzohet për korrupsion aktiv në zgjedhje.
SPAK ka kërkuar që Shkreli të shpallet fajtor për veprën penale të korrupsionit aktiv në zgjedhje dhe të dënohet me 1 vit burg.
Gjithashtu, prokuroria ka kërkuar që kryebashkiakut t’i ndalohet ushtrimi i funksioneve publike për një periudhë prej 5 vitesh.
Shkreli akuzohet se gjatë fushatës për zgjedhjet parlamentare të 11 majit 2025 ka premtuar dhe ofruar të mira materiale për banorët e fshatit Stajkë, në këmbim të votave për Partinë Socialdemokrate të Tom Doshit.
