AC Milan do të rikthehet te Adidas nga vera e vitit 2028, duke firmosur një marrëveshje të madhe që pritet të vlejë rreth 500 milionë euro në total.
Kontrata e re do të zgjasë 10 vite dhe do t’i sjellë klubit kuqezi rreth 50 milionë euro në sezon, duke i dhënë fund bashkëpunimit me Puma që nisi në vitin 2018.
Rritja ekonomike është e konsiderueshme. Rreth një dekadë më parë, marrëveshja me Puma vlente afro 14 milionë euro në sezon, ndërsa rinovimi i vitit 2022 e çoi shifrën në rreth 30 milionë. Me Adidas, vlera do të rritet edhe më tej.
