Tre përfaqësues të Dhomës së Avokatisë së Shqipërisë kanë zhvilluar këtë të enjte një takim me anëtarë të Këshillit të Lartë Gjyqësor, ku kanë kërkuar ndërhyrjen e këtij institucioni për zgjidhjen e situatës së krijuar në Gjykatën e Posaçme kundër Korrupsionit dhe Krimit të Organizuar (GJKKO).
Gjatë takimit, përfaqësuesit e DHKA-së kanë kërkuar marrjen e masave për garantimin e të drejtës së avokatëve për ushtrimin e profesionit, si dhe sigurimin e pajisjeve të nevojshme për zhvillimin normal të aktivitetit të tyre.
Nga ana tjetër, anëtarët e KLGJ-së kanë dëgjuar shqetësimet dhe kërkesat e avokatëve, të cilët kërkojnë rikthimin e normalitetit në funksionimin e gjykatës.
Pas këtij takimi, pritet që anëtarët e Këshillit të Lartë Gjyqësor të diskutojnë me kryesinë e GJKKO-së për situatën e krijuar nga bojkoti i avokatëve, i cili vijon prej disa javësh.
Zgjidhja e ngërçit synon të krijojë kushtet për rifillimin normal të veprimtarisë gjyqësore, në një situatë që ka vënë në vështirësi zhvillimin e proceseve në Gjykatën e Posaçme
