Pas shpalljes së aktgjykimit nga Dhomat e Specializuara të Kosovës në Hagë ndaj ish-krerëve të UÇK-së, në Prishtinë kanë nisur tubimet në mbështetje të tyre.
Qytetarë dhe mbështetës të Ushtrisë Çlirimtare të Kosovës janë mbledhur në bulevardin kryesor të kryeqytetit, ku kanë nisur një marshim duke shprehur kundërshtimin ndaj vendimit të Gjykatës Speciale.
Në total, Hashim Thaçi, Kadri Veseli, Jakup Krasniqi dhe Rexhep Selimi janë dënuar me 81 vite burgim.
Sipas vendimit të gjykatës, dënimet e njëhsuara për secilin janë:
Hashim Thaçi: 25 vjet burgim.
Jakup Krasniqi: 25 vjet burgim.
Kadri Veseli: 18 vjet burgim.
Rexhep Selimi: 13 vjet burgim
(përfshirë për të gjithë kohën e kaluar në paraburgim).
Ky vendim është i shkallës së parë dhe palët kanë të drejtë ta apelojnë atë në shkallet e tjera të gjykatës, diçka që pritet të ndodhë së shpejti, sipas afateve të gjykatës.
Gjithashtu, theksohet qartë se ky vendim nuk përfaqëson një gjykim apo fajësi ndaj Ushtrisë Çlirimtare të Kosovës (UÇK) në tërësi, por është dhënë mbi bazën e përgjegjësisë individuale penale për katër personat e sipërpërmendur.
