Nga Ardian Ndreca
Retorika e anmikut të jashtëm i bashkon të gjitha regjimet antidemokratike, tue nisë prej te diktatura e Enver Hoxhës e tue përfundue tek diktatura hibride e dyshes Rama-Berisha.
Retorika e anmikut të jashtëm dhe e shpëtimtarit të brendshëm që nuk mund të preket asht ndër aspektet ma të neveritshme të kësaj demokracie hibride. Numri i tataloshave që e beson këtë lloj retorike asht në proporcion të drejtë me topitjen endemike të njerzisë. Për fat Shqipnia ka ende të rinj e të reja që kanë sens kritik dhe nuk kënaqen me parulla që duen me justifikue zvetnimin moral të kësaj klase politike!
