Presidenti i Turqisë, Recep Tayyip Erdoğan, theksoi rëndësinë strategjike të vendit të tij për Bashkimin Evropian, duke argumentuar se Europa ka më shumë nevojë për Turqinë sesa anasjelltas.
Deklarata e tij vjen pas një mbledhjeje qeveritare, ku Erdoğan kritikoi gjithashtu politikën e BE-së ndaj Ankarasë.
“Një Evropë pa pjesëmarrjen e plotë të Turqisë nuk mund të jetë një faktor global. Bashkimi Evropian ka më shumë nevojë për ne sesa ne për ta, dhe kjo varësi do të rritet edhe më shumë në të ardhmen,” u shpreh Erdoğan, duke shtuar se Turqia mbetet “vendi më i fortë dhe më i qëndrueshëm në rajonin e saj.”
