Presidenti turk Recep Taip Erdogan deklaroi se përshkallëzimi i konfliktit në Iran po fillon të ketë pasoja të drejtpërdrejta edhe për Evropën.
Gjatë një bisede telefonike me presidentin gjerman Frank-Walter Steinmeier, ai theksoi se tensionet në rajon po ndikojnë negativisht në stabilitetin dhe sigurinë evropiane.
Sipas një njoftimi të publikuar nga zyra e presidentit turk në rrjetet sociale, biseda u zhvillua të mërkurën dhe përfshiu diskutime mbi marrëdhëniet dypalëshe mes Turqisë dhe Gjermanisë, si dhe konfliktet e vazhdueshme në Iran dhe Ukrainë.
“Presidenti Erdogan vuri në dukje se lufta në rajonin tonë filloi ta dobësonte edhe Evropën dhe se nëse kjo prirje nuk do të adresohej me një qasje të orientuar drejt paqes, dëmi i shkaktuar nga periudha e konfliktit do të ishte shumë më i madh”, thuhet në deklaratë.
Ankaraja ka bërë thirrje të vazhdueshme për dialog dhe zgjidhje diplomatike, duke paralajmëruar se përhapja e konflikteve në Lindjen e Mesme mund të ketë pasoja më të gjera për rendin ndërkombëtar dhe ekonominë globale
